2019 жылдың 26 тамызында Нұрсұлтан қаласында Татар мәдени -білім орталығының ұйымдастыруымен және ҚР халық Ассамблеясының мұрындық болуымен "Звезда Джалиля" атты 2 халықаралық әдеби байқауының қорытындысы шығарылып, жеңімпаздар марапатталды. Ол байқауға Қазақстан, Татарстан, Өзбекстан, Түркия, Ресей елдерінен жеңімпаздар келіп, татар халқының ақыны, ҰОС батыры Мұса Жалелдің шығармаларын өз тілдеріне үздік аударма жасағандары үшін және үздік эссе жазу, поэзиялық туындылары бойынша 1,2,3 -орын иеленіп, бағалы сыйлықтармен марапаттады. 8 Ә -сынып оқушысы Токейн Серік қазақ пен татар халқының достығы туралы өлең жолдап, шығармасы жоғары бағаланып, 2-орынмен марапатталды. Жетекшісі қазак тілі мен әдебиет пәні мұғалімі Төлеуқан Зауреш Арғынғазықызы.