Мектебімізде денсаулық күніне орай денсаулықты нығайту мақсатында таңғы жаттығулар әр түрлі спорттық ойындар ұйымдастырылды. Таңғы жаттығудан соң оқушылар топқа бөлініп эстафеталық ойындардан жарысты. Бірінші орын жастар командасы 62 ұпаймен, Решка командасы 44, Ракета 42, Дружба 38, Леон командасы 24 ұпаймен иеленді. «Денсаулық күні» мерекелік шарасынан оқушылар өте көңілді және қуанышты болып қайтты. Бұл шара оқушылардың спортқа деген ынталары мен қызығушылықтарын арттырды, өз денсаулықтарына мұқият қарауға, жат әдеттен жиреніп тек жақсы әдеттермен достасуға, сонымен қатар қоршаған ортаға деген сүйіспеншіліктерін молайтуға баулыды. Осындай шаралардың көптеп өткізілуі ұлт денсаулығын нығайтуға, жаны да, тәні де сау ұрпақ тәрбиелеуге тигізетін пайдасы орасан!