«Ерлік – елге мұра, ұрпаққа ұран»

Бүгін мектеп қабырғасында «Ерлік – елге мұра, ұрпаққа ұран» атты Ұлы Жеңістің 74 жылдығына арналған салтанатты сап түзеу өткізілді. Тарих үнемі жаңаланып отырады. Десе де ұмытылмайтын, ескірмейтін тарихи оқиғалар бар. Соның бірі әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетін, батыр ағаларымызбен апаларымыздың ерлігін ешкім де ешқашанда ұмытпақ емес. Әлемді дүр сілкіндірген оқиға 1941 жылы 22 маусым күні таңғы сағат 4 — те бейбіт жатқан елімізге Германия тұтқиылдан соғыс ашты. Балалардың көрінісі соған дәлел. Іс-шараның мақсаты: оқушыларды Ұлы Отан соғысымен, Қазақстандықтардың ерлік істерімен таныстырып, ой — өрісін дамыту, балаларды адамгершілікке, Отанын сүюге, оны қорғауға баулу, Отанға деген сүйіспеншіліктерін арттыру, патриоттық сезімге баули отырып, балаларды үлкен адамдарды сыйлауға, оларды құрметтеуге баулу.