Атам қазақ «Қызым келіннен, ұлым елімнен ғибрат алып өседі» деп көрегендікпен айтқан. Бұл арада халқымыз көргенді ұл мен көргенді қыз тәрбиелеу мәселесін басты орынға қойып отыр. Бүгінгі бүлдіршін қыз ертең бойжетіп, бір үйдің босағасын аттап, келін болары хақ. Ал «келінді аяғынан» деп санайтын қазекем әу бастан-ақ жаңа түскен келінге сын көзбен қарайды. Ал отбасында тәлімді тәрбие алып, ибалылық пен инабаттылықты жанына серік еткен қыз бала барған жерінде бағы ашылып, сыйға бөленеді.
8 наурыз Халықаралық әйелдер күніне арналған «Қазақтың келіндері-ай» тақырыбында мектебімізде келіндер сайысы ұйымдастырылды. Сайысқа алты ұстаз қатысып, бас жүлдені технология пәнінің мұғалімі Айтолқын Қуандыққызы жеңіп алды.Жеңісімен құттықтаймыз!
Контакты
