Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Бүгін мектеп қабырғасында Ұлағатты Ұстаздар күніне орай мерекелік шара өткізілді. Іс-шараға білім беру саласының ардагерлері шақырылды. Кеш шымылдығын құттықтау лебізімен мектеп директоры Мустафин Ықлас Катенович ашты. Ұстаздардың еңбегі өлшеусіз, сондықтан саналы ғұмырын ұрпақ тәрбиесіне арнаған ұстаздарға қандай мақтау, мадақ айтсақ та артық етпейді. Мектебіміздің бірқатар мұғалімдері марапатқа ие болды. Құрметті ұстаздар, Сіздерді төл мерекелеріңізбен шын жүректен құттықтаймыз! Егемен еліміздің келешегі жас ұрпаққа тағылымды тәрбие мен терең білім беру жолында атқарып отырған еңбектеріңіз нәтижелі болсын. Сіздерге мықты денсаулық, ұзақ ғұмыр, баянды бақыт және шығармашылық табыс тілейміз!