Сыңғырла, күміс қоңырау!

Тағы бір жыл артта қалдырып, жаңа 2018-2019 оқу жылы да басталды. Бүгін 1 қыркүйек – Білім күні. Барлық мектеп оқушылары Білім күніне арналған «Сыңғырла, күміс қоңырау!» салтанатты сап түзеуіне қатысты.  Салтанатты жиын Мемлекеттік Туды енгізілуімен және Мемлекеттік Гимннің орындалуымен басталды. Мектеп директоры Ы. Мустафин ата-аналарға, мектеп оқушылары мен ұстаздарына  құттықтау сөздерін жолдады. Мектеп директоры өз сөзінде барша оқушыларды, ата-аналарды, мұғалімдер мен қатысушы қонақтарды жаңа оқу жылының басталуымен құттықтап, сәттілік тіледі. 1-сынып оқушыларыбалалықпен қоштасып, мектеп табалдырығын аттады. Мерекеміздің себепкерлері алғашқы рет мектеп қабырғасында өлеңдерін оқып, қоңырау соғу рәсіміне қатысты. мерекелік іс-шарада ата-аналар да жылы лебіздерін білдірді. Салтанатты сап түзеу «Мен өз елімнің патриотымын!» тақырыбымен 1-11 сынып оқушыларына алғашқы сабақтарымен жалғасты.