23.05.2018 жылы  4 «Ә» сыныбында «Бастауышым- балбұлағым» атты бастауышпен қоштасу кеші өтті. Кеште оқушылар ата аналарына ,  ұстаздарына арнаған өнерлерін көрсетті. Қоштасу кешінің соңында ата-аналарға құттықтау сөзі берілді. Бастауыш  түлегі Серғали Наираның әжесі ата-аналардың атынан  өз жылы лебізін білдіріп кетті.

  Құрметті  ұстаздар, ата-аналар, оқушылар! Бәріміздің сәбилік, балалық балғын шағымызды ыстық сағынышпен еске алуға мүмкіндік берген тамаша тойымызбен шын көңілден құттықтаймын! Балаларға денсаулық, өзімізге бастың амандығын тілеймін! Жалпы мен Алланың берген 5-6 немеренің әжесімін. Осы мектепте Наира атты немерем бүгін Айгүл Жәкенқызының алдынан ұшқалы отыр. Осы немерелерім үш түрлі мектепте оқиды. Мектептерді салыстыра отырып, мен үшін №8 мектептің ерекше екендігін айтқым келеді. Осы мектептен ерекше бір жылылықты, ерекше бір тәртіп пен талапты байқаймын. Мектепке келгенде есік алдында отырған вахтерлердің ілтипатпен қарсы алуы, мектепішілік әр шараға қатысып отырғанда көрген-жауапкершілік, әр уақытты бағалау, шараға жоғары деңгейде дайындалулары көңілге қонымды. Әр шара өз уақытында басталып, уақытында аяқталуы балаларды, тіпті ата-аналар – біздерді де тәртіптілікке үйретеді екен.  Оны кеше өткен «Үздіктер шеруінен» де тағы байқадым. Және мектеп оқушылары жан-жақты өнерлі – әнші де, биші де, күйші де осында екен. Оған бір мысал – осы мектептің 6 сынып оқушысы таяуда Чехияның Прага қаласында өткен халықаралық байқауда 2-орын әкелуі. Сондықтан  да осындай оқушылар үшін, жауапкершіліктен туындаған тәртіп үшін мектеп басшыларына өз атымнан, ата-аналардың атынан  алғысымызды білдіреміз. Айгүл мұғалімге еңбегі үшін мың алғыс! Деніңізге саулық, отбасыңызға береке, еңбегіңізге жеміс тілеймін.