№77 мектеп-балабақша кешенінде 7-9-сынып оқушылары арасында «Болашағымыз-бірлікте»  атты тарихи-танымдық кеш өте қызықты өтті.Кеш барысында оқушылар 25 жылдың тарихи кезеңдеріне тоқталып, тарихи деректерді  патриоттық әндер мен әсем бимен өрнектеп отырды. Тәуелсіздік жылдарындағы ел жетістіктері жайлы айтып, тыңдаушыларға құнды ақпараттар берді. Кеш соңы залда отырған барлық оқушылар «Атамекен» әнін орындап, тамаша көңіл күймен аяқталды. Кешті тарих пәнінің мұғалімі Эльмира Амантайқызы Агадилова дайындады.