9 сәуірде 1-сыныптар арасында Искаков Ұланбек Мадениетович пен  1сынып жетекшілерінің ұйымдастырумен «Әкем, шешем және мен» тақырыбында спорттық сайыс өтті. Сайыстың мақсаты – оқушылар мен ата-аналарды қатыстыра отырып, отбасылардың спортқа деген қызығушылықтарын  арттыру , салауатты өмір салтын қалыптастыру. Отбасылық тәрбие мен салауатты өмір салтын насихаттау мақсатында ұйымдастырылып отыра сайысқа Бабатаев Н., Али М., Кабиев Н., отбасылары қатысты. Бәрінің де жеңіске деген ынталары айдын анық көрініп тұрды. Отбасылар жеңіс мәресіне жету үшін бірнеше кезеңнен тұратын кедергілерге төтеп беріп, жеңімпаз атануға даяр болды. Отбасылар шапшаңдықтарымен, мықтыларымен ерекше көрінді. Қазылар алқасының есебі бойынша І орынды екі топ «Барыс» тобы Бабатаевтар отбасысы және «Қайсар» тобы Кабиевтер отбасысы бөлісті. ІІ орынды «Жалын» тобы Али Мирастың отбасысы иеленді. Қазылар алқасы отбасылық сайысқа қатысқан ата-аналарға ризашылығын білдіріп, мақтау қағаздарымен марапаттады.