Жалпы білім беретін №77 мектеп-балабақша кешенінде қаңтардың 28-і күні қазақ тілі мен әдебиеті пән мұғалімдерінің арасында өтетін дәстүрлі VІІІ қалалық «Қанипа Бітібаеваның технологияларына құрылған панорамалық сабақтар» байқауы өтті.  Бүкіл қазақтың біртуар ұлы ұстазы болғанҚанипа Бітібаеваны еске алу мақсатымен «Дәуірдің дара ұстазы» атты кеш ұйымдастырылды.  Кеш барысында  мектеп директоры З.Р.Жантыбаева Қанипа Бітібаева туралы мәнді де мағына ойлар айтып өтті, қалалық білім бөлімінің әдіскері Жаркеева Г.Б. Қ.Бітібаевамен кездескен сәтінен сыр шерте отырып, еңбегі жайлы тамаша мағлұматтар берді. Кеште Қанипа апаймен сырлас болған жан досы Күліш Төлеуханқызының да жан тебірентерлік сөздері отырған көпшіліктің көзіне жас алдырды. Кеш барысында Абильдинова Назерке, Қаниева Назина, Егубаева Динараның оқыған Қанипа апайға арналған арнау өлеңдері де өте әсерлі шықты. Мектеп ұстаздары Қанат Жамелұлының, Сара Мерекеқызының және мектеп оқушылары Орынбекова Назеркенің, Аймағанбетова Анельдің, Берік Аиданың әуелете шырқаған әндері де кештің мәнін келтіре түсті. Қанипа апамыздың өмірінен естеліктерді сұхбат түрінде жеткізген мектеп ұстаздары Шолпан Тажина  мен Мөлдір Канафинаны да ерекше атап өтуге болады.

Байқаудың «Дәуір даналығын ілестіреді, Ұстаз білім нәрін үлестіреді» деген бөлімде іріктеуден өткен №39 мектеп-гимназияның мұғалімі Альжанова М.Ж. 7-сыныпта, №6 ОМ мұғалімі Тілеген А.Б. 6-сыныпта, №10 ОМ мұғалімі Сыздықова Г.О 5-сыныпта ашық сабақтар өткізді. «Мұғалім ізденісі – шығармашылық тұлғаның бастауы» деген бөлімде 7 мұғалім өзінің панорамалық сабақтарын қорғады. Бұл ұстаздардың еңбегін бағалайтын әділқазылар алқасының құрамында  Жаркеева Гулназ Бекетовна - Қарағанды қаласы  ББ  әдіскері, Шаймұрат Сәулеш Шаймұратқызы - Саран қаласы ББ әдіскері,  Рустемова Жанар Айдарбекқызы - ҚарМУ, қазақ әдебиеті кафедрасының оқытушысы, доцент, филология ғылымдарының кандидаты, Айткенова Мөлдір Болатовна - «Өрлеу БАҰО» АҚ филиалы Қарағанды облысы бойынша ПҚ БАИ, аға оқытушы, Жаканова Жұпар Рыскуловна - «Қарағанды облысы Тілдерді оқыту орталығы» ЖК, аға әдіскер, Мусина Анар Ермековна - №57 мектеп-лицейінің оқу ісінің меңгерушісі, қазақ тілі мен әдебиеті пән мұғалімі, Жапбаркулова Айнур Турганбековна - №76 ЖББОМ тәрбие ісінің меңгерушісі, қазақ тілі мен әдебиеті пән мұғалімі сияқты білікті де білгір мамандар болды.  Байқау соңында әділқазылар алқасы сынға түскен ұстаздардың еңбегін бағалап, тиісті орындар тағайындап, түрлі номинациялық атаулармен марапаттады. «Жүйріктен жүйрік озар жарысқанда» демекші, өзінің шеберлігін көрсетіп, алға оза шыққан №54 ОМ мұғалімі Қасымжанова  Зулфия Зарықбайқызы болды.   Қатысушылыр жалпы бүгінгі өткен байқаудың өте мазмұнды болғандығын ерекше атап өтті. Осы күнгі іс-шараны ұйымдастырушы гуманитарлық пән бірлестігі /қазақ тілі мен әдебиеті, тарих/ мүшелерінің еңбегі өте зор болды. Бірліктің арқасында өткен іс нәтижелі болады.  Сондықтан барлық ұстаздарға алғыс білдіре отырып, шығармашылық табыстар тілейміз.