№77 мектеп-балабақша кешені бойынша 29 қазан Қамқоршылар күні мерекесінің өтуі

№77 мектеп-балабақша кешенінде "Қамқоршылар күніне" арналған кездесу  "Жүректен жылу сыйлаған.." ұраны аясында өтті.

Кездесудің  мақсаты: ата–анасының қамқорлығынсыз қалған балаларды тәрбиелеу міндеті жүктелген  қамқоршыларды қолдауға негізделді.

Балаға жалпы жүрегімен, ата-анасының зор махабатымен дараланған бұл адамдар үлкен құрметке ие. Кездесуге мектеп әкімшілігі, ата-аналар ұйымының төрайымы және қамқоршы ата-аналар қатысты.

Мектептің педагог-психологтары "Бала тәбиесінде қамқоршының ұстанымы" тақырыбында  тренинг өткізіп, қамқоршыларға бала тәрбиесіндегі жауапкершіліктері жайлы біраз мағлұматтар берілді.

Видеоролик көрсетіліп, ондағы көрініс бойынша қатысушылар өз ойларын талқыға салып, бала тәрбиесіндегі өзекті мәселелер айтылды.

Іс-шара барысында  4 «ә» сынып оқушысы Асылханова Дилана әсем әндерін сыйлады.

Қамқоршы ата-аналардың міндеттері мен бала құқықтары жайлы  тақырыбында викторина өткізіліп, әр ата-ана өздеріне керек мағлұматтар алды.

Кездесуге қатысқан қамқоршы ата-аналарға мектеп директоры жылы лебізін білдіріп алғыс хаттарын табыстады, соңында мерекелік дастарханмен сый-құрмет көрсетілді.

Қамқоршы ата-аналар мемлекет тарапынан көрсетіліп отырған қолдауға, мектептің педагогикалық ұжымына деген ризашылықтарын білдірді.

Қамқоршыларды бір-бірімен таныстыру, кездескен қиындықтарды шешу жолдары жəне өзара тəжірибе алмасуды көздеген кездесу тиімді өтті.