Қазақтың маңдайына біткен жарық жұлдызы, Хантәңірінің мұзбалағы - Ақиық ақын – Мұқағали Мақатев өзінің өр рухты, нәзік сезімге толы жырларымен халықтың жадында мәңгі қалды.

         Ақын рухына бағышталған, шығармаларын насихаттау мақсатында өтетін игі шаралардың бірі ретінде қазақ тілі және әдебиеті пәндерінен іс-тәжірибеден өтуші ретінде келген студент-мұғаліміміз – Жорабаева Ақмаржанның ұйымдастыруымен №77 жалпы білім беретін мектеп-балабақша кешенінде «Мен өмірді жырлау үшін келгенмін...» атты әдеби-сазды кеш өтті. Кешке 8-10 сынып оқушылары қатысып,  өз үлестерін қосты. Атап өтсек, 10 «А» сыныбынан Шәріпбек Әлихан, Төлеухан Айтбек, Шәймерден Дәурен,  8 «А» сыныбынан Болтайбек Нұрым, Ақмырза Ақжол, Нұрланова Айнұр және 8 «Ә» сыныбынан Көпесбаев Тілек сынды қабілетті балалар ақынның жалынды жырларын көрермен қауымға жеткізді. Сонымен қатар, мектебіміздің сахнасында құрметті қонақ ретінде Тәттімбет өнер колледжінің   студенті Сарсембаев Шыңғыс Мұқағали сөзіне жазылған әдемі әндердің орындаушысы ретінде көрермен көңілінен шықты. Жалел Шалқар, Ерболат Қуатбек, Өзгеріс Қуанар, Аян Мейраш, Индира Асылханқызы, Салтанат Қайырбек, Айдана Төлеутай сынды облысымызға танымал жас ақындар көпшілікті төл туындыларымен сусындатты.