№77 мектеп-балабақша кешенінде Қазақстан халқының бірлігі күніне орай «Ертегілер елінде» атты фестиваль өтті. Фестивалға 2-4 сынып оқушылары мен балалардың ата-аналары қатысты.     Әсіресе, 2-Б сыныбы  дайындаған орыс халқының «Бауырсақ» ертегісі мен   3-Б сыныбының «Қызыл телпек» ертегісінің сахналық қойылымы, 4-А сыныбының «Ормандағы оқиға» ертегісі көркемдік ерекшеліктерімен, балалардың шынайы актерлік қабілеттерімен  ерекшеленді. Жалпы, 2-4 сынып оқушылары ертегі кейіпкерлерін өздері сахнада сомдап қана қоймай, көрермендер ретінде де басқа қойылымдарды сүйсіне тамашалады.  Фестиваль соңында сынып жетекшілері мен оқушыларға мектеп директорының алғыс хаттары тапсырылды.