2015 жылғы  3.02.15 г.  «№ 9гимназия» КММ негізінде орыс тілі мен әдебиеті мұғалімдеріне арналған «Орыс тілі мен әдебиеті сабақтарында құзыреттілік  тапсырмалар арқылы оқу сауаттылығын дамыту» атты қалалық семинар өтті. 

 Семинардың басында мұғалімдер (барлығы 60 астам)  үшін коучинг  өткізілді. Қатысушылар белсенді оқытудың әдістерін: «Ойлаудың 6 шляпасы», Дамытудың дөңғалағы»  қолданып, нақты үлгілер негізінде материалды талдап, құзыреттілік тапсырмалардың қызметі мен құрылымын қарастырды. Құзыреттілік тапсырмаларды қолдану  тәжірибеде ашық сабақтарда көрсетілді.

Құзыреттілікке бағытталған тапсырмаларды қолдану арқылы  «Ең керемет бейне» (И.С.Тургеневтің «Муму» шығармасы бойынша) орыс әдебиеті сабағын Геккель С.П.  ұсынды.  Сабақта оқу мен жазу арқылы сын тұрғысынан ойлау, дидактикалық ойын элементтері, пікірталас әдісі қолданылды. Бұл әдіс-тәсілдер құзыреттілік тапсырмаларды орындауда оқушылардың өз көзқарасын білдіруге, шығарманың адамгершілік мәселелерін анықтауға көмек берді. Топтық жұмыс оқушылардың белсенді өздік жұмысын ұйымдастыруға бағытталды. Пікірталас картасы әдісі оқушылардың  кейіпкерге жағымды және жағымсыз қарауын, өзге адамның ұстанымын, автордың ойын анықтауға көмектесті.Оқушылар мәтіннің мазмұнын меңгергенін, оны талдауды білгендігін, әдеби терминдер мен көркемдік-мәнерлі құралдарды тиімді қолдануды дәлелдеді. Сабақтың рефлексивтік сәттері әр оқушының кейіпкерлердің қылығына өз көзқарасын білдіруге, өзінің өнегелі құндылықтарымен салыстырып, өз өміріне қажетті әлеуметті маңызды тәжірибеге ие болуға әсер етті.

«Сын есімдерде –н - и –нн- жұрнақтырдың жазылуы» тақырыбы бойынша орыс тілі сабағын Сорокина Е.В. берді. Бұл сабақта құзыреттіліктерге бағытталған тапсырмалар орындау арқылы оқушылардың танымдық белсенділігі анықталды. Сабақта топтық жұмыс әрекеттің негізгі түрі болып, ашықтық және мейірбандық жағдаятты туғызуға көмек берді. Жаңа материал флипчарттарда ұсынылып, талдау мен синтез, қорытындыны делелдеу, кесте-конспект құрастыру – мұның барлығы оқушылардың  сын тұрғысынан ойлауын қалыптастырады. Сабақ барысында деңгейлік бағдарламалардың барлық жеті модулі ықпалдастырылып, стратегиялар, тапсырмаларды құрастыру және жазба жұмыстар мен оқушылардың ауызша жауаптары арқылы тиімді қолданды. Құзыреттілік тапсырмаларды қолдану, оқушылардың өз жетістіктерін бағалау парақтары мен электрондық тестілеу, «рефлексивтік нысана»  арқылы кері байланысты жасау оқушылардың ақпараттық, басқарушылық, коммуникативтік құзырлықтарын қалыптастырады.

         Семинардың ұйымдастырушылары мен қатысушылары жұмысының тиімділігін өткізілген рефлексия мен мұғалімдердің пікірлері дәлелдейді. Қорыта айтсақ, семинардың шығармашылығы және мазмұндылығы гимназия мұғалімдерінің  жоғары кәсіби шеберлігін көрсетті. Семинарда көрсетілген әдістемелік тәжірибе жалпылануға ұсынылды.