№82 орта мектебінде 27 қазан күні 1Ә сыныбында «тілашар» ертеңгілігі өтті. Тілашар ертеңгілігіне сынып ата-аналары және мектеп мұғалімдері шақырылды. Тілашарда оқушылар тақпақтары мен әндерін айтты. Ұлдар тобы «қара жорға», қыздар тобы «бипыл» биін биледі. Сахналық қойылымдар қойылды. Ертеңгіліктің соңында ата-аналар сөз сөйлеп, баларға тәтті таратты. Жиналған ата-аналар балаларға «азамат бол», «ғалым бол» деген сияқты бата-тілектерін білдіріп, баталарын берді.
«Ашылсын тілің, қарағым.
Оқу сіңіп санаңа,
Жарқырай берсін қабағың.
Мақтанышы бола біл.
Ата менен анаңның!» – деген секілді тілегі тұнық, ақ ниеттен шыққан батаны естіген баланың оқуға талпынары анық.
Әр бір баланың біліммен сусындауға ешбір кедергі жоқ, керісінше айқын жол ашылып тұрған бүгінгі заманда «Тілашар» тойымыз көп бола берсін!
Contacts
