2017 жылдың 26 сәуірінде № 82 ЖББОМ-те «9,11 сынып оқушыларын мемлекеттік (қорытынды) аттестаттауға дайындау бойынша мұғалімдерге әдістемелік нұсқаулықтар» тақырыбында  математика пәні мұғалімдерінің қалалық семинары өтті. Семинар екі ауысымда өткізілді: мемлекеттік тілде оқытатын математика пәнінің мұғалімдері және орыс тілінде оқытатын математика пәнінің мұғалімдері үшін.

Семинар мақсаты: Математика пәнінен оқушыларды қорытынды аттестаттауға дайындауға мұғалім жұмысының тиімділігін көтеру.

Семинар барысында қалалық білім бөлімінің әдіскері Аязбекова Г.У. мұғалімдерді 9, 11 сынып оқушыларын қорытынды аттестаттауға дайындау бойынша әдістемелік нұсқаулықтармен таныстырды. Емтихан жұмыстарын рәсімдеу жөніндегі ұсыныстар бойынша директордың оқу-тәрбие ісі жөніндегі орынбасары, математика пәнінің мұғалімі Дюсембаева М.К. сөз сөйледі.   Математика пәнінің мұғалімдері Жәкішева Д.Е., Бакирова А.Т., Жакупова Б.К., Корнейчук М.А. «Есептеу», «Тепе-тең түрлендіру», «Теңдеулер және теңдеулер жүйесі», «Теңсіздіктер және теңсіздіктер жүйесі», «Мәтіндік есептер» бөлімдеріндегі есептерді шығару бойынша тренинг өткізді.