№82 жалпы білім беретін орта мектебінің 3 «А» сыныбында өзін-өзі тану пәнінен «Бірлігі жарасқан халықпыз» тақырыбында ашық сабақ өткізілді. Сабақ тыныштық сәтінен басталып, одан әрі қарай топтық жұмыспен жалғасты. Оқушылар 4 топқа бөлінді: қазақ халқы, орыс халқы, өзбек халқы және корей халқы. Әр ұлттың өздерін таныстыратын өкілдері болды. Шығармашылық жұмыс барысында әр топ мақалдар құрастырып, «Менің елім бақытты» деген тақырыпта өз ойларын ортаға салды. Топпен ән айту кезінде оқушылар бір шаңырақ астына жиналып, ән салды. Осылайша, оқушылардың достық, татулық және бауырмалдық туралы түсініктері кеңейіп, бір-біріне  сүйіспеншілік таныта білді.