№82 ЖББ орта мектебінің 2 «А» сыныбында 20 қараша күні «Ата-ана мен бала арасындағы қарым-қатынас» тақырыбында ата-аналар жиналысы өткізілді. Жиналыстың мақсаты – ата-ана мен бала арасындағы байланысты анықтап, оны жақсарту. Ең алдымен, ынтымақтастық атмосферасын қалыптастыру мақсатында ата-аналармен «Киіз үй» әдісі жасалып, таңдалған түтікшелер арқылы психологиялық мінездеме берілді. «Сіз қандай ата-анасыз?» деген тақырып төңірегінде ата-аналармен сауалнама жүргізіліп, «Байлаулы бала» тренингі өткізілді. Жиналысты қорытындылау мақсатында ата-аналарға «Ең ұлы құндылық – сүйіспеншілік» атты бейнебаян көрсетіліп, бала тәрбиесі жайында бірнеше ақыл-кеңестер берілді. Жалпы алғанда, бүгінгі жиналыстың тәрбиелік маңызы өте зор болды.