Мен, Айтжанова Лиза, № 82 ЖББОМ 9 Ә сыныбының оқу озатымын. Осы күздің 01 қазанынан 11 қазанына дейін мен Көкшетаудағы дарынды оқушыларға арналған "Discovery-Borovoe" атты сауықтыру орталығында демалып келдім.  Бұл лагерь Бурабайдағы орманның ортасында орналасқан. Сондықтан да, ол жердің ауасы таза болды, әрі табиғаты әдемі. Мені бұл лагерьге үздік және үлгілі оқығаным үшін мектеп атынан жіберді. Лагерь маған өте ұнады. Себебі, онда әр түрлі, әрі қызықты іс-шаралар, концерттер, экскурсиялар, дискотека болды және мен өзіме көп жақсы достар таптым. Экскурсиямен қатар біз орманға серуендеуге де шықтық.

Демалыстың соңғы күнінде барлық балалар бір-бірімен қоштасты. Қазір мен  Discovery-Borovoe"  лагерін және достарымды сағынып жүрмін. Осы лагерьде өткен күндерім мәңгілікке есімде қалмақ.