2015 жылдың қаңтар айының 23 күні 2 «Ә» сыныбында өзін өзі тану пәні бойынша « Әдептілік – әдемілік» атты тәрбие сағаты  болып өтті.  2 «Ә» сыныбының жетекшісі Омарова Салтанат Жакеновна және өзін өзі тану пәнінің мұғалімі Дайрбекова Арайлым Кенеспаевна жүргізген  тәрбие сағатында әдептілік дегенді қалай түсінетіндерін, әдепті бала қандай болу керек екенін айтып,  ойларымен бөлісіп , белсене қатысты. Саяхатқа шығу түрінде өткендіктен әр аялдамадағы сұрақ , тапсырмаларды қызыға орындап,  әдептілік туралы көрініс қойып, білген тақпақтарын  ортаға салды. Тәрбие сағаты соңында  қортындылап, алған  әсерлерін стикерге жазып  ақ қағазға ілді. Әр бала өзінің жазғанын оқып, бүгінгі тәрбие сағатынан  адам бойындағы көп жақсы қасиеттерді білгенін, өте тартымды, қызықты өткенін айтып, ризашылықпен үйлеріне тарасты.