Биылғы оқу жылының басы  мен үшін бақытты сәтттерге толы болды. Оқудағы жетістіктерім, мектепішілік іс-шараларда белсенділігім үшін Бурабай қаласындағы «Дискавери - Боровое» дарынды балаларға арналған лагерге жолдама алдым. Бұл хабарды естігенде менен бақытты адам болған жоқ шығар бұл әлемде?!

 Бурабай каласында бірінші күннен бастап, көптеген дарынды, талантты, көңілді балалармен таныстым. Барлығымыз бірінші күннен бастап бір-бірімізбен тіл табысып кеттік. Сол 10 күн аралығында жүзімізден күлкі кеткен емес. Барлығымыз тату-тәтті отбасының мүшелері болып кеттік.

Бурабайға барғанда, экскурсовод бізге Бурабайдың ең әдемі, көне, тарихи, танымал жерлерін көрсетті. «Жұмбақтасты» бір қырынан қарасаң – бұрымды жас қызға балайсың, екінші қырынан қарасаң - орамал тартқан келіншекке балайсың, үшінші қырынан қарасаң – бетіне әжім түскен кемпірге балап таңқаласың. Сонымен қатар Көкшенің таза ауасына демалып, тарихи жерлердің сырларымен танысып қайттық

 «Дискавери - Боровое»  лагерінде болған 10 күнім менің өмірімдегі ұмытылмас күндер. Достарым мен тәрбиешілерімді қатты сағынатын боламын. Дискавериде болған мерекелік іс- шараларды, ойындарды, түрлі түрлі эстафеталарды, билерді, біз бірге барған жерлерді мәңгілікке жадымда сақтап қалам. Мені дарынды балаларға арналған  «Дискавери - Боровое» лагеріне жіберген үшін мектеп ұжымына  алғысымды білдіремін!