2  шілде күні таң атпастан мектеп ішінен балалардың дауысы естіле бастады. №82 ЖББОМ жанынан ашылған «Балауса» жазғы сауықтыру лагері 1 маусымдағы өз жұмысын бастады. Балалар таза ауада таңғы жаттығуларын жасап, лездемеде рапорт беруге даярланды. Алғашқы күннен бастап, топтың атын, белгісін, ұранын ойластыруға тура келді. Бірінші күннің лездемесінде балалар лагерь заңымен, күн тәртібімен таныстырылды. Одан кейін әр топта лагердегі қауіпсіздік ережелері туралы танысты. Сағат 11.00-де  жиын залында лагердің балары үшін қызықты концерт өткізілді. Балалар өздерінің өнерлерін ортаға салды. Мысалы; Би, ән, өлең айту , ойындар ойнау сияқты қызықты тапсырмаларды орындады. Балалар белсене қатысып барлық конкурста  өнерлерін көрсетті. Күннің соңында әр  топ сыйлықтармен бағаланды.