Жастардың өзін–өзі басқару институтын дамыту және  қызметінің тиімділігін арттыру мақсатында 2014 жылының 27 наурызында Қарағанды қаласы әкімдігінің қолдауымен Жастармен жұмыс жөніндегі орталығы жастардың өзін–өзі басқару ұйымдарының «Ортақ іске үлес қос!» атты Бірінші қалалық форумы өтті.  Жаcтолқынның  өзін–өзі басқару ұйымдарының жетістігі мен атқарған жұмыстарын сарапқа салған форумға қала әкімі М.А. Смағұлов қатысып, өзінің сөзінде өзін-өзі басқару  ұйым белсенділерін өз білімімен, жасампаз еңбегімен және күш-жігерімен еліміздегі атқарылып жатқан іс-шараларға  ат салысуға шақырды. Іс-шараның ресми бөлімінен кейін форумға қатысушылар  секциялық отырыстарға бөлінді. Аталмыш форумға біздің № 82 ЖББОМ–нің  өзін–өзі басқару ұйымының белсенділері  ат салысып, мемлекеттік жастар саясатының өзін-өзі басқару ұйымдарының басым бағыттарындағы өзекжарды мәселелер бойынша өз ойларын ортаға салды. Секциялық отырыста Қарағанды  қаласының жастармен жұмыс жөніндегі орталығының басшысы Б.Н. Әбжанов  басқосудың негізгі мақсаты  - жастардың өзін–өзі басқару  ұйымдарының жұмысын жандандыру, бағыт-бағдар беріп, жаңа модель құру және әлеуметтік желілер арқылы өзін-өзі басқару ұйымдарының өзара  тәжірибе алмасуы екенін айиып өтті. Студенттер мен мектеп оқушылары тәжірибелерімен бөлісіп, көптеген ұсыныстар еңгізді. Форум соңында белсене қатысқан жастарға қала әкімінің Алғыс хаты табысталды.