2014 жылдың 17 мен 18 наурыз аралығында Ұлыстың ұлы күні қарсаңында №82 ЖББОМ-де 6-7 және 8-10 сыныптар арасында қыз балалардың жан дүниесіндегі көркемдік талғамын қалыптастыру мақсатында «Наурыз аруы -2014» сайысы ұйымдастырылып, жоғары дәрежеде өтті.
Байқауға қатысушы аруларымызға қойылған талаптардың бірі –қыздарға тән инабаттылық пен ибалық көрсете білу.
Сайыс 6 кезеңнен тұрды
1кезең : «Сәлем — сөздің анасы»
2 кезең: «Білімді мыңды жығар»
3 кезең : Мақал-мәтел жарысы
4: кезең «Ас мәзірі»
5 кезең : «Ою ойғанның ойы ұшқыр»
6 кезең : Сыныпқа тапсырма /қолдау көрсету тобы/
Сайысқа қатысушы аруларымыз барлық жауапкершілікпен ат салысып, әрбір міндеттелген кезеңдерге ыждахаттылықпен дайындалып келгендігін көрсетті.
Көрермендер залы да шараның басынан аяғына дейін жанкүйер оқушылардың қошеметінен бір сәт те толастамады. Сайыскерлерді қазылар алқасы 5 балдық жүйемен бағалап отырды.
Байқаудың дәстүрлі «Сәлем — сөздің анасы» деп аталатын алғашқы кезеңінде арулар өздерін таныстыруда өлең жолдарымен, қазіргі заман талабына сай тұсаукесерлер және бейнеклиптерімен таныстырып өтті.Сонымен қатар олардың білім деңгейлері, ас-ауқат әзірлеу шеберліктері сараланып, қыздар бойындағы өнерлерін паш ету, ою үлгілерін насихаттау бойынша да тапсырмалар орындалды.
Байқау қорытындысына сәйкес қатысқан арулардың ішінен топ жарып, зор қошемет пен марапатқа ие болып, «Наурыз аруы-2014» атағына ие болған:
5-7 сыныптар арасында 5 сынып оқушысы Рамазанова Айдана
8-11 сыныптар арасында 10 сынып оқушысы Балгабекова Арина. Сайысқа қатысушы барлық аруларымыз да өз бойындағы қабілеттеріне сай
«Ақылды ару», «Келбетті ару», «Сүйікімді ару», «Кербез ару», «Көрермен көз айымы аруы», «Нәзік ару» ,«Көркем ару» және «Өнерлі ару» атақтарына ие болды.
Жалпы ұйымдастырылған іс- шара өз мақсатына жетіп, мағыналы да мазмұнды өтті.
Контакты
