«Көктем мерекесі - табиғаттың оянатын мезгілі, адамның бақыты мен махаббат кезеңі», - деп ҚР елбасы Нұрсұлтан Әбішұлы Назарбаев атап өткендей, қазақтың жаңа жылы - Наурыз мерекесінің келуіне санаулы-ақ күндер қалды. 2014 жылдың 15 наурызында №82 ЖББОМ –де қазақ халқының әдеп- ғұрыптары мен ұлттық құндылықтарын насихаттау және әже-аналардың өнегесін кейінгі ұрпаққа мұра етіп қалдыру, аяулы қыздарымыздың өнерлерін ортаға салу мақсатында бастауыш сынып буынында «Әжем, анам және мен» сайысы ұйымдастырылып, ойдағыдай өтті.
Сынға түскен әжелер, аналар және қыздар байқау шарты бойынша барлық кезеңдерден мүдірмей өтіп, сайысқа жоғары дайындықпен келгендері байқалды.
Ақ жаулықты әжелердің мәнерлеп оқыған өлеңдері мен ырғағына салып айтқан әндері, аналардың дайындап әкелген ұлттық тағамдары, немерелерінің мың билеген билері келген қонақтар мен ата-аналарды толқытпай қоймады. Ұлттық тағамдар мен салт-дәстүрлерді білуден сынға түсіп, көнеріп бара жатқан дәстүрлерді жастарға насихаттады. Сынға түскен әжелеріміздің зейнеткер жасына келгенмен,өмірге деген көзқарастарының жан- жақты екендігі байқалды. Сайыстың соңында сайысқа қатысушылар түрлі номинациялар бойынша марапатталып, бағалы сыйлықтарға ие болды. Атап айтсақ, Муратовтар отбасы - «Халықтың салт –дәстүріне сенімділік», Абдрахмановтар отбасы - «Отбасының салт-дәстүріне сенімділік», Бағдатовтар отбасы - «Ең тату отбасы», Райсовтар отбасы - «Ең шығармашыл отбасы» номинациялары бойынша марапатталды.
Осындай тәрбиелік мәні бар сайыстар үнемі болып тұрса, оқушыларымыздың қазақ халық асыл мұрасын жадына сақтауына мүмкіндіктері мол болатынына кәміл сенеміз.
Байланыс телефондары
