2014 жылдың 19 ақпанында №82 ЖББОМ-де Ауған жерінен Кеңес әскерінің шығарылғанына 25 жыл толуына байланысты «Ауғаныстан- журектегі жара» атты жауынгер-интернационалистерімен кездесуі өтті.Кездесудің мақсаты - оқушыларға қажетсіз соғыстың қасіреті жайлы мағлұмат беру. Ауған соғысының ардегерлерімен кездесу арқылы сол соғыс жайлы кеңінен мәлімет алу. Оқушыларды ерлікке, ұлт жандылыққа, өз елінің патриоты болуға тәрбиелеу.
Кездесуге Ауған соғысына қатысқан жауынгер-интернационалисттер Касенов Қожахмет Сағындыкович және Жакупов Ғалымжан Тлеубаевич конаққа келді. Олар соғыс жайында, достық жайында, өздерінің командалары мен командирі жайында көптеген әңгімелер айтты. Жауынгер-интернационалисттерге мектеп оқушылары әдеби-сазды қойылым көрсетіліп, Ауған соғысы тақырыбында өлеңдер айтылды. Ауған соғысында қаза тапқандарды еске алып бір минут үнсіздік жарияланды.Кездесудің соңында мектеп әкімшілігі келген қонақтарға алғысын білдіре отырып баќыт, денсаулық, табыс тіледі. Оқушылар Ауғаныстан соғысының қайғылы тарихына терең үңіле отыра, ауған соғыс ардагерлеріне құрмет көрсете отырып, ауған жерлерінде балаларынан айырылған аналардың қайғысына ортақтасты..
Ел үшін етігімен қан кешкен жауынгерлер қашанда құрметке лайық. Жырақта жүріп бейбітшілікті аңсаған соғыс ардагерлерінің ерлігі жас ұрпақ үшін үлгі-өнеге.
Байланыс телефондары
