Қатысқандар: 7Ә сынып оқушылары

Өткізген:Алина Р.К

«Аукцион»интеллектуалды – экологиялық  ойыны.

Сабақтың мақсаты:
1. Оқушыларға экологиялық тәрбие беру арқылы олардың дүниетанымдық және табиғатты қорғау қабілеттерін арттыру.
2. Табиғатты, қоршаған ортаны аялауға үйрету.
3. Табиғат пен адам арасындағы байланыс, табиғатты қорғаудың маңыздылығы туралы түсінік беру.

Дамытушылық : туған жер табиғатына деген сүйіспеншілігін арттыру, экологиялық тәрбие негізін қалыптастыру;
Тәрбиелік :табиғатты қорғай алатын, аялай білетін адамгершілігі мол, ізгілікті экологиялық білімі мен мәдениеті жоғары жаңа ұрпақ тәрбиелеу. 

Көрнектілігі: глобус, суреттер, бейнетаспа,балалардың колдарынан жасалған  бұйымдар.

Барысы: Армысыңдар, құрметті қонақтар мен ұстаздар және оқушылар!
Оқушыларға экологиялық тәрбие беру арқылы табиғатты, қоршаған ортаны аялауға тәрбиелеу мақсатында ұйымдастырылып отырған «Аукцион!» атты тәрбие сағатымызды ашық деп жариялауға рұқсат етіңіздер!

Ойын барысы:

1-топ оқушылары қолдан жасалған экологиялық заттарын аукцион өтетін жерге әкеліп өз проектілерін қорғайды.Әр проект ғылыми түрде қорғалады.

1-сурет. Отын дайындау үшін ағаштарды кесу және отынды жағу СО2 түрінде жинақталған көміртегінің ауаға таралуына әкеп соғады.Орман жамылғысының  жоғалуы да ғаламшардың СО2 сіңіруге қабілетін төмендетеді.Ол бұл газдың атмосферада шоғырлануына жол береді.

2-сурет.Су- Жер бетінің 70%  алып жатыр,атмосферада парникті газдардың бірі болатын су буларының көп бөлігі бар.Климаттың өзгеруі әлемде біркелкі орналаспаған суға қатты ықпал етеді.Климаттың өзгеруінен болған температураның және атмосфералық жауын-шашынның өзгеруі әлемдегі құрғақ және жартылай құрғақ  аймақтарда тұратын көптеген кедей адамдардың мүшкіл халын ауырлатады.

3-сурет.Қазіргі ауаның ластануының бірден-бір себебі автомобиль сандарының өсуі.Автомобильдерді шығарушылар үнемшілдік мақсатында бұрынғыдан да үнемді двигательдер шығару арқылы ғана емес,сонымен қатар олардың салмағын азайту арқылы да қол жеткізуге тырысуда.