Қаңтар айының 30 жұлдызында № 82 жалпы білім беру орта мектебінің 1 «Ә» сыныбында әліппемен қоштасу мерекесі болып өтті. Мерекелік шараға ата-аналар, оқушылар және ұстаздар қатысты. Кеше ғана мектеп табалдырығын жасқана аттаған 1-сынып оқушылары бүгінгі күнде мектеп өміріне төселіп қалғанын көрсете отырып, осы күнге дейінгі алған білімдерін ортаға салып, өнерлерін көпшілік қауымға паш етті. Ертеңгі ел тізгінін ұстар ұрпағымызды «Хан баласындай нық, бидің баласындай тік» сөйлейтіндей етіп тәрбиелеу, әрине, ұстаздардың басты міндеті болып табылады. Осы орайда мектебіміздің бастауыш сынып ұстаздары Жаканова М.А. мен Зекенова Л.Қ. еңбегінің зор екендігін атап өтуге болады.

Даналыққа жол бастар алтын ұя мектебімізден білім алған әр шәкірттеріміз биіктерге самғай берсін деген ниетпен мерекеміз аяқталды.

Бастауыш сынып бірлестік жетекшісі:  Абугалиева С.Н.