2014 жылдың 29 қаңтарында №82 жалпы білім беретін орта мектебінде «Дамыта оқытуға қажетті дидактикалық бірліктер» тақырыбында орыс тілді мектептердегі қазақ тілі мен әдебиеті мұғалімдерінің қалалық семинары өтті.  Екі бөлімнен құрылған семинарды мектеп директорының оқу ісі жөніндегі орынбасары Дюсембаева М.К. ашып, қалалық білім бөлімінің әдіскері Аймаганбетова Г.К. қазақ тілі мен әдебиеті пәнінің мұғалімдерін осы тақырып бойынша қазіргі таңдағы қажеттілігіне тоқтала келіп, семинардан әр мұғалім өзіне қажетті тәжірибе жинақтауына бағыттап, жұмыс барысына сәттілік тіледі.

Мектеп директорының оқу ісі жөніндегі орынбасары Ахметбекова Г.М.  «Дамыта оқытуға қажетті дидактикалық бірліктердің тиімділіг» атты практикум сағатында мектепте оқытуды ұйымдастыратын бірден – бір нұсқасы сабақ болса, сабақтың нәтижелі болуына ықпал ететін нұсқа сол сабақты өткізудің әр түрлі әдіс тәсілдері, яғни жаңашыл сабақ екендігі туралы жеткізе білді. Қазіргі кезде шығармашылықпен жұмыс істейтін мұғалімдердің тынымсыз ізденуі нәтижесінде оқу ‑ тәрбие жұмысының тиімділігін арттырудың жаңа технологиялардың бірі дамыта оқыту технологиясы екенін атап өтті.

Семинардың екінші бөлімінде 8 «А» сыныбында «Менің атым - Қожа» /Айдарбекова А.К./, 

7 «А» сыныбында «Спорт түрлері» /Битимбаева А.К., 

5 «Б» сыныбында «Қыс»/Бекимова А.Т.,

4Б сыныбында «Қазақ спортшылары» /Ильясов А.Ж./ ашық сабақтар берді. 

Ашық сабақтар семинар тақырыбына сай, дамыта оқыту технологиялары тиімді пайдаланып, практика жүзінде көрсетілді. Семинарға қатысушы ұстаздар тарапынан ашық сабақ өткізген мұғалімдерге және семнарды ұйымдастырушыларға жоғары баға берілді.

Семинарды қорытындылау барысында «Ақылдың алты қалпағы»  технологиясы бойынша рефлексия өткізілді.