2014 жылдың 22 қаңтарында №82 ЖББО мектебінде деңгейлі бағдарламалары аясында  үшінші базалық деңгей бағдарламасы бойынша  мұғалімдерді оқыту курстарын аяқтаған математика пәнінің мұғалімі Аманкелді Самал Сағатқызы ҚР үшінші базалық деңгей бағдарламасы бойынша ойларын іске асырудың тәжірибесімен бөлісу мақсатында «Мұғалімнің тәжірибесін іске асырудағы сабақ беру мен оқытудың жаңа тәсілдері» атты тақырыпта шеберлік сабақ өткізді. Аталған іс-шараға Қарағанды облысы бойынша педагогикалық қызметкерлердің біліктілігін арттыру институтының «Өрлеу» біліктілікті арттыру ұлттық орталығы акционерлік қоғамының филиалының маманы  Сүлейменов Мұратбек Балтинович, Тлеубай Сауле Тұмарбекқызы  және осы курстан өткен  мектеп мұғалімдері қатысты.. Сондай-ақ курста меңгерген әдіс-тәсілдерді практикада жүзеге асыру мақсатында 6 «Ә» сыныбында математика пәнінен «Бір айнымалысы бар сызықтық теңдеулер» тақырыбы бойынша жеті модульді ықпалдастыру барысы қарастырылып, ашық сабақ өткізілді.