2014 жылдың 22 қаңтарында мектепте үшінші базалық деңгей бағдарламасынан 3 айлық курстан өткен математика пәнінің мұғалімі Крамаренко Галина Александровна «Мұғалімнің тәжірибесін іске асырудағы сабақ беру мен оқытудың жаңа тәсілдері» атты тақырыпта сабақ өткізу шеберлігімен бөлісті. Аталған іс-шараға Қарағанды облысы бойынша педагогикалық қызметкерлердің біліктілігін арттыру институтының «Өрлеу» біліктілікті арттыру ұлттық орталығы акционерлік қоғамының филиалының маманы  Шубакова Куляш Искаковна  мен осы курстан өткен Қарағанды қаласы мектептерінің мұғалімдері қатысты. Шеберлік сабағын өткізудің мақсаты – ҚР үшінші базалық деңгей бағдарламасы бойынша ойларын іске асырудың тәжірибесімен бөлісу. Берілген іс-шара бағдарламасы үш кезеңнен құралды:

І. Мәселенің алдыға қойылуы.

Мұғалім оқыту үрдісінің іске асуы және сапалы білім беруі жөнінде баяндама оқыды.

ІІ. Тәжірибелік жұмыс.

11 сыныпта геометрия пәнінен «Сфера мен шар. Жазықтықтағы шардың қиылысуы» тақырыбы бойынша жеті модульді ықпалдастыру барысы қарастырылып, ашық сабақ өтілді.

ІІІ. Дөңгелек үстел.

Өтілген сабақ дөңгелек үстелде талқыланды. Мұнда стикерлер қолданылды және сабақты бақылау барысында кеткен қателер бойынша бірнеше ұсыныстар айтылды, сұрақтар қойылып, жауаптар алынды. Мұғалім сабағына өздік талдау жүргізді. Шеберлік сабағы жөнінде өз пікірлерін айтты.