2013 жылдың 26 желтоқсаны бастауыш сыныбы үшін естен кетпес қызықты күндердің бірі болды. Себебі, бастауыш сыныпта бұл күні жаңа жыл мерекесі жоғары дәрежеде өткізілді. Жаңа жыл мерекесін асыға күтетін әр бала түрлі аңдардың бетперделерін киіп, өлеңдерін жаттап, ән-билерін дайындап келген екен. Балалар тек қана өлең айтып, би билеп қойған жоқ, сондай-ақ Аяз ата мен Ақшақарға  жаңа жылдық ақ тілектерін де білдіріп жатты. Қаламыздың Қ.Байжанов атындағы театр ұжымының әртістері мерекелік әндерінен шашу шашып, балалармен қызықты ойындар ұйымдастырып, мерекенің көркін аша түсті. Мерекелік бағдарлама соңында Аяз ата мен Ақшақар барлық балаларға сыйлықтарын үлестіріп, «өтіп бара жатқан жылдың жақсылығы ғана есте қалсын,  жаңа жыл әрбір шаңыраққа бейбіт өмір, тыныштық және мол жақсылықтар әкелсін!» деген ізгі ниетін білдірді.

Алдағы жыл тек игі жақсылықтарымен, ырыс-берекесімен, мол қуаныштарымен төрімізден орын алсын! 

Бастауыш сынып бірлестік жетекшсі:  Абугалиева С.Н.