2013жылдың 16 қазан күні №82 жалпы білім беру орта мектебінде білім бөлімінің әдіскері Есенбекова А.Ө., «Өрлеу» біліктілікті арттыру ұлттық орталығы АҚ филиалы Қарағанды облысы бойынша ПҚБАИ аға оқытушысы Жунусова М.Р. қатысуымен математика пәні мұғалімдерінің қалалық семинары өтті.  

Теориялық және практикалық екі кезеңнен құрылған семинар бағдарламасы «Математика сабақтарында оқушылардың функционалдық сауаттылығын дамыту» тақырыбында мектеп директорының орынбасары Дюсембекова М.К. баяндамасымен ,  «Өрлеу» АҚ аға оқытушысы Жунусова М.Р. «Математиканы оқытуда оқушылардың функционалдық сауаттылығын дамытуға арналған әдістемелік нұсқаулар» атты баяндамасымен және қалалық білім бөлімінің әдіскері А.Ө. Есенбекованың  әдістемелік нұсқауларымен  мұғалімдер үшін  өте маңызды да мазмұнды болды.

№ 82 ЖББО мектебінің математика пәнінің мұғалімдері семинарға қатысушыларға ашық сабақтарын ұсынды. Крамаренко Г.А. «Пирамида және оның элементтері» 11сынып, Жакупова Б.К. « Шеңбер ұзындығы.  Дөңгелек ауданы». 6Асынып, Бакирова А.Т. «Мазмұнды есептерді теңдеу құру арқылы шығару» 5Ә сыныбы, Смагулова Г.Ф. «Құрылысшы» іскерлік ойыны 9Ә сыныбы.

 Семинар соңында қатысущылар өз пікірлерін ортаға салып,семинар барысына жақсы баға беріп, ризашылықтарын білдірді.