Қыркүйектің жиырма жетісі күні біз сыныппен  мәдениет үйіне бардық. Біз мәдениет үйінде «Меруерт шаһарының сиқыршысы» атты қойылымды тамашаладық. Бұл қойылым  өте қызық болды. Қойылымдағы Элли атты қыз, күшігі Потошка және сүйкімді де көңілді достары Бөжей, Темір орманшы, Батыл арыстан деген кейіпкерлермен таныстық. Ертегіде Эллидің және оның достарының Меруерт шаһарындағы бастан кешкен қызық оқиғалары туралы екен. Ертегі соңында адамдардың бірін-бірі алдап арбауы, өтірік айтуы   айқындалады және жақсы істер жасап, қайырымдылық жасау керектігін түсіндіреді. Қойылым балаларға ұнады. Соңында балалар театр әртістеріне қошемет көрсетіп, жылы лебіздерін білдірді.