28 қыркүйек күні мектебімізде «Күз-береке» тақырыбында жәрмеңке ұйымдастырылды. Жәрмеңкеге барлық сыныптар белсене қатысты. Біздің сынып оқушылары да үйлерінен алып келген өнімдерін ортаға салды. Бұл күні барлық тағам түрлері сатылды. Түр-түрімен бауырсақтар, тәтті нандар, салат, тосап, құрт және көкөністер мен жемістер-барлығы да қолдан пісірілген, бақшада өсірілген еді. Сатқан өнімнен түскен ақшаның жартысын сынып оқушыларымен келісе отырып, қайырымдылық ісіне жұмсадық. Яғни, ауыр халде жатқан №65 мектептің 4-сынып оқушысының еміне көмек ретінде бердік.

Жәрмеңке соңы қайырымды іске ұласқанына барлығымыз шын көңілімізбен риза болдық.