2013 жылдың 22 мамырында  №82 жалпы білім беретін орта мектебінде дәстүрлі  III  үздіктер слеті өтті. « Жарық жұлдыздар» атты мереке бір жыл бойы тәлім-тәрбие берген, біліммен қаруландырған ұстаздар мен ата-аналардың еңбегінің жемістерін,  өткен оқу жылында жеткен жетістіктеріміз бен жақсылықтарымызды паш ететін қуанышты күн болды десек  артық болмас.

     Дәстүрлі мерекеде мектеп директоры  Альмагамбетова Улжан Агинбаевна өз құттықтау сөзін озат оқушылар мен ата-аналарға және ұстаздарға арнады.

     Ұстаздардың еселі еңбегінің нәтижесінде түрлі пәндік олимпиадаларда, ғылыми жобаларда, көркемөнерпаздар мен спорт сайыстарында аудан, облыста жеңімпаздар мен үздіктер қатарынан көрінген шәкірттерге мадақтамалар мен «Оқу озаты» төс белгісі , ата-аналарға    Алғыс хаттар табыс етілді.

     Слет барысында «Біздің жетістіктеріміз» атты көрме ұйымдастырылды. Бұл көрмеде озат оқушыларымыздың үздік дәптерлері мен күнделіктері, ғылыми жобалары және шығармашылық жұмыстары қойылды.

     Слет соңында дәстүр бойынша бірінші сынып оқушыларына жоғары сынып оқу үздіктері «Білім алауын» табыс етті.