«Менің жанұям» сайысы

     Сәуірдің отызы күні бірлік күніне орай қалалық қамқорлық кеңесінің ұйымдастыруымен № 36 жалпы білім беретін орта мектебінде отбасылар арасында «Менің жанұям» атты отбасылық сайыс өтті. Сайысқа № 82 жалпы білім беретін орта мектебінің 2 «Ә» сынып оқушысы Думанбеков Шерхан Асқарұлы өз жанұясымен қатысты. Сайыстың шарты бойынша әр отбасы өзін таныстыра отырып,  өнерлерін ортаға салу керек болды. Шерханның отбасы өнерге жақын жанұяның бірі. Отбасында әкесі де, анасы да күміс көмей әншілер. Әрине, олардан туған Шерхан мен Алдияр да өнерден ада емес еді. Бар өнерлерін ортаға сала отырып, көрерменді тәнті қылған отбасы таныстырылым барысында жанұядағы  тәлім-тәрбие, атқарылатын салт-дәстүр туралы да көпшілікке паш етті. Сахналық мәдениетті көрермен қауымға үлгі ете білген Тоқтасыновтар отбасы сайыс соңында дипломмен марапатталды.

     Тоқтасыновтар әулетіне алдағы уақытта шығармашылық табыс, баянды бақыт, мықты денсаулық тілейміз!

Шерхан анасымен және бауырымен «Анашым» әнін орындау сәтінен

               № 82 ЖББОМ

бастауыш сынып мұғалімі

Абугалиева Самал Нұртайқызы