«Өнерлі өрге жүзер» демей ме қазақ мақалы? 6 Ә сыныбының өнерлі қызы Оспанова Мадина 2012 жылдың 3 қаңтарында Алматы қаласында өткен республикалық «Қысқы ертегі» жас домбырашылар сайысына қатысып, жүлделі 3 орынға ие болды.

          Жастайынан әсем ән мен тәтті күйге әуес болған Мадина музыка мектебінің домбыра үйірмесіне 1-сыныптан бері қатысуда. Бес жылдан бері домбырада ойнаудың қыр-сырын игерген Мадина өз өнерімен айналасындағы адамдарды тәнті етуде. Оның талантын байқаған мұғалімі Күлкалима Күнсұлу Адешовна Мадинаны қалалық домбырашылар сайысына қатыстырады. Бұл сайыста 2 орын алған өнерлі қыз Алматыдағы «Қысқы ертегі» жас домбырашылар конкурсына жолдама алды. Республиканың жүзден жүйрік, мыңнан тұлпар атанған жас күйшілер қатысқан сайыста өз өнерін көрсетті. Жас домбырашылар додасында бар күшін салып, көрермендердің көңілінен шыққан Мадина әділ-қазылар шешімімен 3 орынды иеленді.

Мадинаның алар асуы әлі алда!

Жас домбырашының сыныптастары, мектеп ұжымы мен мектеп әкімшілігі Мадинаны жүлделі орын алуымен құттықтап, келешекте тек биіктен көрінуіне тілектес!