26 қарашадан  30 қараша  аралығында  қазақ  тілі  мен әдебиеті апталығы өткізілді.  Апталықтың  әр  күнінде  Тәуелсіздікке, Қазақ халқының тұңғыш президенті Нұрсұлтан Әбішұлы Назарбаевтың өмір  жолына  арналған  шаралар  ұйымдастырылды. 

     26 қараша  күні  қазақ  тілі  пәні  мұғалімдері, әрі  сынып  жетекшілері  Смагулова Ғ.Ф., Айдарбекова А.К.,  Битембаева Қ.О., Ильясов А., Казыбаева Ж.К., тәрбие  сағатын өткізді.

     Аты  аталған  мұғалімдердің  тәрие  сағатындағы  мақсаты қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру. Елбасының өмір жолынан үлгі ала отырып Отанын, халқын сүюге, ержүректілікке, азаматтыққа, патриоттық сезімге тәрбиелеу.Шәкірт жүрегінде елбасына деген сүйіспеншілік пен құрметті ұялату.  Тәрбие  сағатында  кітап  көрмесі,   қабырға  газеттерімен  безендірілді.

«Менің Отаным -Қазақстан », «Елбасшыма тартам қалам...»   шығармалар байқауы

     27 қарашада  орыс , қазақ   сыныптарында  «Менің Отаным -Қазақстан », «Елбасшыма тартам қалам...»  тақырыбында  шығармалар  жазды.  Қазақ  5-8  сыныптар арасында  барлығы  17оқушы  шығарма жазса,  ал  орыс  сыныптарының  арасында  барлығы  11 оқушы  жазды. Қазіргі  Қазақстанның шежіресі 1991 жылғы 16 желтоқсаннан басталады. Осы үлкен оқиғаға  байланысты  шығармада  оқушылар  көбінесе  тәуелсіздік,  Астана  қаласы,  Қарағанды  қаласы  және Нұрсұлтан Әбішұлы Назарбаевтың  тәуелсіздік құру  жолындағы  ерен  еңбегі  туралы  тоқталған.

Менің Отаным –Қазақстан

     Біздің Отанымыз, еліміз,  кіндік қанымыз  тамған жеріміз ол-Қазақстан. Біз  ең атақты  елдерге  кетсек, өз елімізді  қатты  сағынамыз. Әр  адам өз  туған  жерін аңсайды. «Әркімнің өз елі-Мысыр шаһары» деген  мақалды  бекер айтпаған. Бұл  шыныда  дұрыс айтылған.  Теледидардан  көрген  хабарларымда  қазақ  еліннен  кетіп,  басқа  елде  өзінің  жеке  бизнесі  болып, ауқатты  тұрып  жатқан  адамдардың  өзінің  ата-бабасы  жатқан  елге  тағзым  еткенде  олардың  көздерінде  ерекше  ұшқын,  сүйіспеншілікті  көруге  болады. Соған  қарап  мен  қарапайым  өмір  сүріп  жатсам да  отбасыммен,  туған  жерімде  оқып, өз елімде  жүргеніме  қуанам. 

     «Отан  отбасынан  басталады»  Осы  мақалда  менің  ойымша  отбасына  ғана  емес,  Отанға  деген  сүйіспеншілік  туралы  айтылған. Мен  кішкентай  отбасымды сүйем.   Отбасымыда  әкем, анам,  мен,  сіңілім  бар.  Өйткені   менің отбасым  да  Отаныма  қызмет  етуде. Біз  кішкене  ғана  бөлшегіміз.  Өйткені  менің  үлкен  атам  Отанды қорғауға  үлесін  қосып,  соғысқан. Ал  мен сауатты  адам  болу  үшін аянбай  оқып, үлгілі  біліміммен  үлесімді  қосып  келемін. Мен  жұмысымды  адал  істеуге  тырысамын. Өйткені  менің  жұмысым  сабақ. Сабақты  босатпай,  ұстаздардың  айтқанын  бұлжытпай  орындаймын.

5Ә  сынып  оқушысы  Жанатова Назерке

 

  

Менің отаным Қазақстан

     Менің отаным – Қазақстан. Мен Отанымды сүйемін. Қазақстан – мен үшін , менің ата – бабаларым үшін өте қасиетті мекен . Осы елде дүниеге келіп , еңбек етіп , білім алып келеміз және қазақ тілінде сөйлеуді, қазақ халқының салт – дәстүрін білу міндетіміз деп санаймын.

     Менің  Еліме деген махаббатым жүрегімнің түпкірінде жатыр. Отанға деген адал махабатты, қандай заң, қандай құбылысы болсын өшіре алмайды.

     Бүгінгі күні Қазақстан бақыт ордасына айналып отыр. Әркім қалаған еңбегін істеуге, оқуға, демалуға ерікті.

     «Құс ұясыз болмайды, адам Отансыз болмайды.»,-дейді  қазағым,  ал менің Отаным сонау Каспийден бастап Алтай тауларына дейін созылып жатқан қасиетті өлке . Қазақстан тәуелсіздік жолында не көрмеді десеңші ?!  Еліміздің  басынан азап та , аштық та , сұм соғыс та өтті.Қазақстанның тәуелсіздігін аңсаған, мәңгілік жарыққа ұмтылған Қайрат, Ләззат, Ербол сияқты аға – апаларымыз ұлтты үшін өлімге бастарын тікті.

     Біздерде Абылайдың саясаткерлігі, Қабанбайдың ерлігі , Қазыбектердің биліктері, Жиреншешелердің шешеншігі , Абай – Махамбеттердің ақылдылығы бар. Оған қоса , ата- бабалар мұра  етіп қалдырған асыл  -  қазына  жеріміз бар. Біздің жерімізде кең, қасиеті ғана емес, қазба байлығымен  дүние жүзінің алдыңғы көшін бастауда. Асты  кенге, талай  дүлділ  адамдарды  өмірге  әкелген  кенді өлке Қарағандыда  туғаныма  қатты  қуанам.  Сол байлықты біздер  игеріп , иемденеміз , алға басып дамимыз .

     Мен кандай мамандық таңдасам да, құстай биік ұшып, тауға өрлеп шықсамда еліме құшағымды жайып жүремін.

     Мен – егеменді елімнің ертеңімін «Сен де бір кірпіш дүниеге, кетігін тап та , бар қалан » , - деп Абай атамыз айтқандай , Отанымның болашағы үшін өз үлесімді қосуға тырысамын.

     Біз жастар Қазақстанның болашағымыз, туып өскен жерімізді, елімізді оп – оңай бере салмаймыз. Еліміз үшін барлық қиындыққа төтеп беруге дайынбыз.

7Ә  сынып  оқушысы  Амзеева Қызғалдақ

 

Менің Отаным-Қазақстан

     Менің Отаным- Казакстан! деп, жұдырықтай жүрегімнен шыққан осы сөзді мақтанышпен айтамын.Ата-бабамыздың азаттық жолындағы ерен ерлігінің арқасында осынау іңкәр заманға жеткен елімді мақтаныш етемін. Мен өз елім Казакстанды жан тәніммен сүйемін.Тәуелсіздік бізге оңай келген жоқ. Біз тәуелсіздікті 1991 жылы алдық. Қазақ елі 1992жылы БҰҰ-ның мүшесі болды. 1991 жылы Елбасының жарлығы бойынша Семей полигоны жабылды. Біз ТМД Мемлекеттерінің ішіндегі экономикасы дамыған елміз. Егемендік алғалы білім беру мекемелері, денсаулық сақтау саласы жақсарды. Қазақ елі-байтақ, бақытты ел. Қазақстан -Еуразия құрлығында орналасқан, 14 облыс бар, жері пайдалы қазбаларға мол өлке..

     Қазақстанда көп ұлттар мекендейді. Қазақстанның  бір  бөлшегі-  менің  өсіп,   тұрып  жатқан  көмірлі Қарағанды. Осы  мекенде  тұрып  жатқан   менің ауламдағы  бір көп  қабатты  үйде  қаншама  ұлт  өкілдері  тұрады. Олармен  еркін  орыс  тілінде  сөйлессем, олар  менімен  қазақ  тілінде  сөйлесіп,  тіпті  мерекелі  күндерді  қалай  атап  өтетініміз  туралы, менен сарқыт  сұрады,  ол дегеніміз  олармен  қатты араласатыным. Мен  де  олардың  мерекелерін  құрметтеймін  

     Отан, меніңше, теңіз, өзен, жұлдыз, күн, қалалар және адамдар. Атам, әжем, анам, әкем, бауырым, досым бәрі-менің туған елім. Мен Отанымның кішкентай бөлшегімін. Туған елімнің табиғаты әдемі.Рас айтамын, өте әсем! Оны Алматы қаласына барғанда байқадым. Пойыздың терезесінен жасыл даланың шексіз екенін көріп таң қалдым.Күн деген өзі сұлу екен ғой!  Ал күннің қызарып батқаны тіпті қызық. Күннің  қызарып батқанын  пойызда  отырып  көрдім,  тіпті  мен  қалада  жүргенде  мән  де  бермеппін. Ұлан  ғайыр  даланы  көргенде  менен  өткен, қазақтан  өткен  бай ұлт жоқ  сияқты  көрінді.

     Алматы жап-жасыл қала. Біз орталық алаңдасуретке түстік. Анам екеуміз Елбасы Нұрсұлтан Назарбаевтың туған жері Шамалғанда болдық. Келесі күні тоғайға бардық. Тоғай ішіне кірсең құстардың ән салғаның естисің. Таудан аққан өзенді тамашаладым. Бұл  - Қазақстанның табиғат байлығы.

     Өйлаған арманым көп. Мен болашаққа сенемін. Өскесін Алла қаласа ғалым боламын. Болашағымның жарқын болатынын лүп-лүп еткен жүрегім сезеді. Отан алдындағы борышым-ел болашағы үшін қызмет ету. Қазақстанды гүлдендіру, көркейту, жағымды жаңалығыммен қуанту. Еліміздің болашағы-біздерміз. Ата-анасын, Отанын сыйлаған жастар ғана еліне адал қызмет етеді. Мен өз еліме тыныштық, жақсылық тілеймін!

5Ә  сынып  оқушысы  Кареев Руслан

 

Менің Отаным-Қазақстан

                                                                           «Отаны бірдің- тілегі бір,

                                                                                Журегі бір”

                                                                                                         Н.А. Назарбаев

     «Отбасы- Отанның ошағы» деп біздің ел басымыз Н.А.Назарбаев бекер айтпаған.Біздің Отанымыз отбасынан басталады. «Алтын ұяң-Отан қымбат, Құт береке-атаң қымбат, асқар тауың-әкең қымбат , мейірімді-анаң қымбат,туып өскен елің қымбат.» Отан деген сөз біздің қай-қайсымызға да айрықша ыстық. Отан-кіндік кескен жеріміз ғана емес,ол баршамыздың кең байтақ еліміз. Бұл әлемдегі барлық адамның өз Отаны болады. Олар оны құрметтеп, сыйлап, мақтаныш етеді.Оны ең қымбат,ең қасиетті,ең аяулысы- Анасына ұқсатып багалайды. Отаннан ыстық жер жоқ. Мен өз Отанымды, туып-өскен жерімді сүйемін. Менің Отанымның-өз тарихы мен мәдениеті дамыған,өнеркәсібі мен шаруашылығы өркендеген, шикізаттарға бай, дербес, егеменді, ұлтық мемлекет. «Дүниеде  туған еліңнен артық ел де, жер жоқ». Отан-адамның туып-өскен жері, атамекені,ел жұрты,табиғат байлықтары,халқы. Адал адам Отанын сүйеді. Адал, ақ журек анасындай.

     Отанға деген махаббатты бізде өлшеуге болмайды. Отанын сатқан адам, адам емес. Дүниеде өтелмейтін қылмыс бар:ол-Отанға опасыздық жасау. «Отанды сүю-өркениеттіліктін бірінші белгісі» Адам ең бірінші өз Отанын сүйеді. Отанға қызмет жасайды. Отанға сүйіспеншілік жайында қызыл сөзді тоқтаусыз ұзақ айтуға болады, алайда онымен Отанныңның гүлденуіне ешқандай көмек көрсете алмайсын. Менің  Отаным  Қарағанды  қаласындағы  майқұдық  деп  аталатын  мекен. Кейбір адамдар «Е, Майқұдық па?» -деуі  мүмкін. Бірақ  маған  өзім  тұрып  жатқаннан  кейін, өте  ыстық  болып  көрінеді.  Майқұдықта  да  Отанымыздың  дамуына  үлесін  тигізіп  жатқан қаншама  адамдар  тұрады. Майқұдықта  Отанымызға  қызмет  жасап  жатқан  өндірістік  орындар,  мәдени  орындар  бар  емес  пе? «Әркімнің өз елі-Мысыр шаһары» деген , ендеше  менің  шаһарым - Майқұдық   мекені.

     Бұл дүниеде біздің бір ғана Отанымыз бар,ол- тәуелсіз Қазақстан. Қазақстан жерін ежелжен қоныстанып келе жатқан ел-қазақ халқы. Көптеген ғасырлар бойыел басқарған дана басшыларымыз,қолбасшы батырларымыз кең-байтақ жерімізді сырттан төнген қауіптен қорғап келді. Қазақ халқы-ержүрек,достыққа адал,бауырмал,қонақжай халық. Сайын дала-атажұрт бабаларымыздың көздің қарашығындай сақтап,найзаның ұшы,білектің күшімен қорғағанының арқасында бізге жетіп отыр. Ендеше осындай алып Отанды сүйіп өту кімге де болсын парыз әрі қасиетті міндет. Отанды сүю оның әрбір тасын сүюден басталады. Яғни, туған анаңа,туған жұртқа деген махаббат Отанға деген махаббатқа ұласпақ.

8Ә  сынып  оқушысы  Есен Асылзат

 

Менің  Отаным Қазақстан!

     Менің  Отаным- Қазақстан! Ол Еуразия  құрлығындағы  мемлекет. Қазақстан  жері  кең – байтақ  және  өте бай  ел.Табиғаты әр алуан. Мұнда жазық дала да, орман да,тау да,өзен де көл де  және шөлді  аймақтар бар. Әлемге әйгілі  тарихи ескерткіштер,  табиғаты көркем  қорықтар, демалыс  орындары көптеп кездеседі. Біздің  еліміздің  өз  мемлекеттік  рәміздері бар. Олар: Елтаңба, Әнұран және мемлекеттік Ту.

     Талай белестерді  басынынан өткерген қазақ халқы 1991 жылы тәуелсіздігін алды.1991 жылы 1- желтоқсанда Қазақстан Республикасының   тұңғыш  президенті сайланды.  Біздің  тұңғыш  президентіміз  –

      Нұрсұлтан  Әбішұлы  Назарбаев.Ол өте жақсы,білімді адам. Халықтың қамын  ойлайды. Біз өз елміздің  елбасын  аса құрмет  тұтамыз,қадірлейміз.

     Тәуелсіз  Қазақстанның  бас қаласы- Астана  қаласы. Ол  Есіл  өзенінің  бойында орналасқан. Есіл өзенінің  бойында елбасы « Резиденциясы» , «Парламент үйі», әр түрлі  қонақ үйлер, «Жастар сарайы», көп  қабатты үйлер  бой көтерді.Астана қаласында жүзден астам  ұлт өкілдері  тұрады.Астана  болашағы ұлкен қала.

     Мен  Қазақстанда тұрып  жатқаныма қуаныштымын.Қазақстанды өте жақсы  көремін.Маған   Қазақстан Республикасы   өте ұнайды. Біздің  ел тәуелсіз,гүлденген  мемлекет! Біз  бай  елде тұрамыз.  Мен өз  елімді   мақтан етемін!

5 «А» сынып  оқушысы     Исакова Жайна

Пән мұғалімі:Ақышева Г.

Менің  Отаным Қазақстан!

     Мен  өз Отанымды, елімді, жерімді, Елбасын  өте  жақсы көремін. Менің Отаным –Қазақстан. Ол өте әдемі гүлденген,үлкен мемлекет. Бұл ел Еуразияның  орталығында  орналасқан.  Біздің ел-еркін адамдар елі. Қазақстан жері   таңғаларлық  әдемі  жер. Мұнда Іле  алатауы,Ертіс, Сырдария, Амудария өзендері  және шетсіз-шексіз  дала жатыр . Сонымен қатар еліміздің  ұлан –байтақ  даласында есепсіз  байлықтар бар, жануарлар мен өсімдіктер, пайдалы қазбалар  өте көп. Қазақстан жерінде  әр түрлі ұлт  өкілдері  бейбіт  көп.Олар бейбіт,тату  өмір  сүреді.

     Біздің  еліміздің  Бас  қаласы- Астана қаласы. Астанада   Елордамыз бар. Астанада  биік, сымбатты  ғимраттар бой көтерген.

     Мен Қазақстанда тұрып  жатқаныма қуаныштымын.Қазақстанды өте жақсы  көремін.Біздің  ел тәуелсіз,гүлденген  мемлекет! Біз  бай елде тұрамыз.  Мен өз  елімді   мақтан етемін!

Қазақстан дейтін менің  бар елім,

Жатыр алып жарты дүние әлемін!

Бұл даланы анам жаспен суарған,

Бұл далада атам  қолға ту алған.

Бұл далаға  жылап келіп,уанғам,

Бұл  даланы көріп алғаш  қуанғам,

Бұл далада  өскен жанда жоқ арман!

(Б.Қошым-Ноғай)

5 «А» сынып  оқушысы Букаева Екатеринаның

Пән мұғалімі:Ақышева Г.К.

 

Менің  Отаным – Қазақстан!

     Менің  Отаным – Қазақстан! Бұл ел Еуразияның  орталығында  орналасқан. Біздің ел-еркін адамдар елі.Қазақстан жері   таңғаларлық  әдемі  жер. Мұнда Іле  алатауы,Ертіс, Сырдария, Амудария өзендері  және шетсіз-шексіз  дала жатыр . Сонымен қатар еліміздің  ұлан –байтақ  даласында есепсіз  байлықтар бар, жануарлар мен өсімдіктер, пайдалы қазбалар  өте көп. Қазақстан жерінде  әр түрлі ұлт  өкілдері  бейбіт  көп.Олар бейбіт,тату  өмір  сүреді.

     Біздің  Қазақстанда  әдемі,көрікті   қалалар өте  көп. Олар  Азия мен Еуропаның  қалаларынан   қалмайды. Біздің  еліміздің  Бас  қаласы- Астана қаласы. Астанада   Елордамыз бар. Астанада  биік, сымбатты  ғимраттар бой көтерген.

     Мен Қазақстанда тұрып  жатқаныма қуаныштымын.Қазақстанды өте жақсы  көремін.Біздің  ел тәуелсіз,гүлденген  мемлекет! Біз  бай  елде тұрамыз.  Мен өз  елімді   мақтан етемін!

5 «Б» сынып  оқушысы Литвенец Кирилдің

Пән мұғалімі:Ақышева Г.Қ

 

«Елбасы және тәуелсіз Қазақстан» тақырыбындағы

мәнерлеп  оқу  сайысы

     №82ЖББ  орта  мектепте  29 қараша  күні Қазақ халқының тұңғыш президенті Нұрсұлтан Әбішұлы Назарбаев  күніне  арналған  мәнерлеп  оқу  сайысы  өткізілді. 

     Тәуелсіз ел  болу,  тұңғыш президенттің халқының  жарқын болашағы, халықтың  бірлігі  және  бейбіт  өмір сүруінде әр  сағаттың жаңалыққа,  игі  істерге ұласып  жатқаны  туралы жырлайтын өлеңдермен  айшықталды.

     Сайыста  оқушылар М.Мақатаев «Үш  бақытым», «Оңай сөз ғой сүйем деп...»  Ш.Сариевтің «Тәуелсіздік  монументі» , Н.Ә.Назарбаевқа  өлеңдерді  нақышына  келтіріп  оқыды.

     I  орынды  2Ә сынып оқушысы Жиренов Али ,7Ә  сынып  оқушылары   Макыбасова Жансал Рамазанова Аяжан 7Ә кл., 10 сынып  оқушылары  Бирих Анастасия  мен Сарсенбаева Махаббат алды.

     II   орынды Шеремета Валерий 7А сынып, Васильев Роман 9А сынып , Ягодин Егор 5Б сынып оқушылары алды.

     III орынды  Закирова Мадина 5Б сынып, Есжан Мирас 7Ә сынып, Құрмаш Әлишер 3Ә сынып, Игнатенко Лилия 7А сынып, Плешкова Татьяна 7Б сынып  оқушылары алды.

Қазақ  тілі  мен әдебиеті  пәні  мұғалімі  Казыбаева Ж.К