2020 жылғы 25 ақпанда №82 ЖББОМ-нің Қамқорлық кеңесінің отырысы өткізілді. Күн тәртібінде келесідей сұрақтар қарастырылды: 2019-2020 оқу жылының І жартыжылдығында мектеп жобаларының жүзеге асырылуы; 2019-2020 оқу жылының І жартыжылдығында ыстық тамақты ұйымадыстыру; 2020-2021 оқу жылындағы мектеп формасын қарастыру мен оны келістіру. Директордың тәрбие ісі жөніндегі орынбасары Ильясов А.Ж. Қамқорлық кеңесінің мүшелерін 2019-2020 оқу жылының І жартыжылдығында мектеп жобаларының жүзеге асырылуына тоқталды. Ол үйірмелердің бағыты мен қызметтеріне, қамтылған оқушылар санына тоқталды. Мектептің әлеуметтік педагогы Торебаева А.Р. ыстық тамақпен қамтамасыз етілген оқушылар бойынша қысқаша талдау жасады. Мектеп директоры Альмагамбетова У.А. Қамқорлық кеңесінің мүшелерін бірыңғай мектеп формасының талаптарымен таныстырды. Улжан Агинбаевна 2020-2021 оқу жылында 1 сыныптан бастап кезең бойынша бірыңғай мектеп формасының енгізілетіні туралы хабарлады. Қамқорлық кеңесінің мүшелері бірыңғай мектеп формасының талаптарын жалпымектептің ата-ааналар жиналысында қарастыруын ұсынды.