Мектебіміздегі мерекелік кеш.

16-наурыз күні мектебімізде «Сәлем, Наурыз!» атты әз Наурыз мерекесіне орай  5-7 қазақ сыныптары арасында мерекелік кеш өтті.

Еліміздің тәуелсіздік алуымен орай ортамызға қайтып оралған Ұлыстың ұлы күнін тойлау мектебімізде дәстүрге айналып үлгерген болатын. Жылдағыдан өзгеше өрнек алған мерекені тойлауға ұстаздар, ата-аналар мен оқушылар шақырылды.

Кешті ұйымдастырушы қазақ тілі мен әдебиеті пәнінің мұғалімі Ж.ХҚазыбаева әр сынып оқушыларына арнап салт-дәстүріміз туралы танымдық сауалдар тастап, олардың әдет-ғұрпымыздан қаншалықты хабардар екендігін тексерді.

Әрбір сауалдың жауабын өзі толықтыра отыра, дәстүріміздің ұмытылып бара датқан кейбір тұстарынан да хабардар етті. Сауалнама арасында 6-сынып оқушысы М. Блялова мен 7-сынып оқушысы Е. Маженов  ән шырқаса,

6-сынып оқушысы Д. Көлбай күй шертті.

5-сынып оқушылары Ф.Саматова мен А. Жаппар наурыз жырларын нақышына келтіре оқыды.

Мерекелік кеш соңын әділқазылар алқасы қорытындылап, әр сыныптың сұраққа жауап беру деңгейін саралай келе, мақтау қағаздарымен марапаттады. Қашанда салт-дәстүрін кие тұтқан халқымыздың тағы бір дәстүрі шашу шашылып, мерекелік кеш дастархан жаюмен аяқталды.