2015 жылдың 18 сәуірі күні «Қайырымдылық аптасы» шеңберінде 1 «Д» сыныбында «Қайырымдылық сағаты» өтті. Оқушылар мен олардың ата-аналары сиқырлы «Чу-Чу» паровозымен «Қайырымдылық» қаласына саяхатқа шықты. Жолай «Сыпайылық», «Қайырымды істер», «Мейірімді сөздер» бекеттеріне тоқтады. «Саралау» бекетінде болып, қайырымды істер мен зұлымдықтарды салыстыра өлшеп саралады да, қайырымдылықтың зұлымдықты әрқашан жеңетініне көз жеткізді. «Жәрдемдес» бекетінде оқушылар ата-аналарымен бірлесе сиқырланып қалған Күнді құтқарды. Бұл әрекеттердің бәрінде оларды  «Улыбка», «Сен қайырымды болсаң» әндері қолдады. Ал саяхат соңында бәрі бірге «Қайырымдылық жолымен» әнін орындады. Бұл – нағыз таңғажайыптар сағаты болды!