Қарағанды қаласындағы 53 ЖББОМЛ "Бесінші сынып оқушыларының бейімделу қиындықтары мен жас ерекшеліктеріндегі психологиялық аспектілер" тақырыбында педагог-психолог Г.С.Мукушева ата-аналарға арналған семинар-практикум өткізді. Ата-аналарға 5-сынып оқушыларының бейімделуі бойынша психологиялық қызметтің негізгі бағыттары жөнінде ақпарат берді. Дағдарыс кезеңдері туралы тоқтала отырып "Балаңыздың пікірін тыңдаңыз!", "Отбасындағы баланың тәрбиесі" бейне-баяны көрсетіліп, пікір алмасты. Психологиялық ойлау процестерінің қалыптасуы және вербальді интеллектінің дамуы, бейімделу кезіндегі оқушылардың қобалжуы және оқу мотивациясының көрсеткіштеріне тоқталды. Соңында психологтың кеңесі беріліп, ұсыныстарымен таныстырды.