2018 жылдың 31 тамызында № 53 мектеп-лицейінде «Төртінші индустриалды революция жағдайындағы адами капитал» тақырыбындапедагогикалық кеңес өтті. Жиын барысында 2017-2018 оқу жылындағы жұмыстарға  талдау  жүргізіп, 2018-2019 оқу жылына мақсаттары мен міндеттері айқындалды. Мұғалімдер жаңа оқу жылының мақсаттары, міндеттері мен жұмыс жоспары туралы келісімге келді.

Мектеп директоры оқушыларды тәрбиелеуге, әдістемелік жұмысты және білім беру үдерісін ақпараттандыруға айтарлықтай үлес қосқан мұғалімдерге алғысын білдірді.

Және де осы жылдың қорытындысы бойынша бастауыш сынып мұғалімі Аманжолова Сания Болатовна Астана қаласының 20 жылдық мерейтойына орай білім беру ұйымдарының педагогтарының арасында өткен «Үздік бастауыш сынып-мұғалімі 2018»  атты руспубликалық байқауының IIдәрежелі дипломымен марапатталды. Білім саласына қосқан айрықша еңбегі үшін  «Үздік бастауыш сынып-мұғалімі 2018»  төсбелгісімен марапатталды және куәлік берілді. Сонымен қатар, Омарбаев Думан Дулатович Әскерлендірген кросстан Қазақстан Республикасының Чемпионатында III орын иеленгені үшін дипломмен марапатталды.