Цифрлық және компьютерлік сауаттылықты дамытуға арналған «Цифрлық әлем» апталығы аясында, 2025 жылғы 10-14 ақпан аралығында бастауыш мектептің 2Б сыныбында «Цифрлық сауаттылық» сабақтары өтті. Сабақтың тақырыбы: «Ертегілер алгоритмі». Сабақтың мақсаты – оқушыларға алгоритмдердің күнделікті өмірмен байланысын түсіндіру және оларды тәжірибеде қолдануға үйрету. Әдістемелік тәсіл ретінде ертегі сюжеттерін талдау пайдаланылды. Онда кейіпкерлер белгілі бір мақсатқа жету үшін жүйелі қадамдарды орындайды. Оқушылардың мотивациясын арттыру және бәсекелестік ортаны қалыптастыру мақсатында олар үш топқа бөлінді. Әр топ тақтада ұсынылған үлгіге сүйене отырып, белгіленген уақыт ішінде таймердің көмегімен тапсырмаларды орындады. Жұмыс барысында оқушылар блок-схемалармен белсенді әрекеттесіп, алгоритмдік үдерістерді көзбен елестету мүмкіндігін алды. Сондай-ақ, бұрын әдебиеттік оқу сабағында қарастырылған «Сиқырлы шаңғылар» ертегісіне өз алгоритмдерін әзірледі.
Авторство:
«Ертегілер алгоритмі» 2Б
