4а сыныпта  «Наурыз-бата » тақырыбында  сынып сағаты өткізілді.

Қазақ халқының кез келген мейрамы ақ тілек пен батасыз өтпейді.

Бата - адал ниет, шынайы тілек білдіру дәстүрі. Сондай-ақ бата - қазақ халқының дінімен біте қайнасқан дәстүрінің көрінісі. Батаны көпті көрген, ортасына сыйлы, аузы дуалы, батагөй қариялар береді. Халқымыз батаны берілетін жағдайына қарай бірнеше түрге бөлген. Олар: нәрестеге бата, асқа бата, ұлға бата, қызға бата, келінге бата, сапар бата, жастарға бата, той батасы, Наурыз батасы, жарапазан батасы және тағы басқалары.

Наурыз мейрамында Наурыз батасының орны ерекше. Бұл күні жасы кішілер үлкендерге сәлем бере барып, ақсақалдардың батасын алады.

Қазақтың баталары қоғамның дұрыс дамуына ықпал етеді. Бұл дәстүр бүгінгі күнге дейін де  жалғасып келеді. Бата ​​бүгінгі күннің ерекшеліктерін де көрсетеді. Бата-бата жас ұрпақты тәрбиелеу құралы ретінде ұрпақтан-ұрпаққа жалғасатыны сөзсіз