«АЛАШ ИДЕЯЛАРЫ ӨЗ ДЕҢГЕЙІНДЕ НАСИХАТТАЛЫП ЖАТЫР/ НАСИХАТТАЛЫП ЖАТҚАН ЖОҚ» ДЕБАТ ТУРНИРІ

Осындай резолюциямен басталған дебат турниріне арқау болған мәселе – ХХ ғасыр басында ұлт мүддесі үшін арындаған Алаш арыстарының игі істері мен жалынды идеяларына бүгіндері толымды баға берілуі тиіс. Ол үшін бұндай ұлт тарихында аналогы жоқ саяси қозғалыстың идеялары қажетті деңгейде насихатталып жатыр ма, ғалымдардың ғана айналасы емес, қалың бұқараға қолжетімді ме, әлде әлі де ғылыми тұрғыдан нақтыланбаған тұстары бар, сондықтан толығымен насихатталып жатқан жоқ. Осындай нақты айғақтар мен дәлелдерді талап ететін резолюция негізінде Шәкәрім гимназиясының тәрбие жұмысы жоспарының «Алаш айлығы» шеңберінде гимнзиямыздың «ЖАСSTAR» (қазақша лига жетекшісі «Тарих» пәнінің мұғалімі Асаинова Жанел Сабырқызы) және «VIVAT» (орысша лига, жетекшісі «Тарих пәнінің мұғалімі Дюсембинов Арман Мұратұлы) дебат клубтарында пікірсайыс турнирі өткізілді. Даттаушы жақ та, растаушы жақ та тұшымды айғақ-дәлеллдерінің арқасында резолюция бойынша ойларын ортаға салды, АЛАШ қайраткерлерінің әлі де қажетті деңгейде насихатталмай жатқан идеялары бар екендігін дәлелдеп берді.

Ең бастысы – өскелең ұрпақ ұлт үшін құрбан болған алғашқы зиялылар идеяларын зерделейтіндігі, оларды жан-жақты зерттеуге ынталы, ықыластары бар екендігі қуантады. Демек, «мемлекет маған не береді» дейтіндер емес, «мен еліме не берем, мемлекетімді гүлдендіруге үлесімді қалай қосам» дейтін ұрпақ келе жатқанының нышаны.