«ЗАҢ МЕН ТӘРТІП» ҚҰНДЫЛЫҒЫ – ҚАУІПСІЗ ҚОҒАМ КЕПІЛІ
Шәкәрім гимназиясында тәрбие жұмысының жоспарына сәйкес «Заң мен тәртіп» құндылығына негізделген құқықтық айлық шеңберінде, гимназия парламентінің қолдауымен, гимназия президенті Ракишева Адинаның бастауымен жоғары сынып оқушыларының Қарағанды облысы полиция департаментінің есірткі қылмыстрымен күрес басқармасының аға жедел уәкілі, полиция подполковнигі Мустафаев Бахытжан Қожахметұлымен және «Келешек» жастар орталығының жетекшісі Бахраева Аймирамен профилактикалық кездесу өткізілді.
Кездесу барысында Шәкәрім гимназиясының жастары алған құқықтық тағылым құндылығымен ерекшеленді. Ең бастысы, жастардың полиция қызметкерлерінің тәжірибесінен алған тағылымы қаперлерінде жүретініне сенімдіміз.
Тұшымды кездесудің «Еркін микрофон» бөлімінде жоғары сынып оқушыларын толғандырған сұрақтар:
- Есірткі қылмысын қалай тануға болады
- Синтетикалық есірткілер неліктен қауіпті
- Ұсыныстарға қалай қарсы тұруға болады
- Күдікті туралы қайда хабарлауға болады
Шәкәрім жастары сіздерге үндеу жолдайды! Есіңізде болсын:
- Бір қате шешім өміріңе балта шабады!
- Сен қауіпті жағдайға тап болған досыңа көмектесе аласың!
- Қауіпсіздік - біздің таңдауымыз!
- Есірткісіз қоғам – кемел келешек кепілі!
ЖАСТАР ЕСІРТКІГЕ ҚАРСЫ!
https://www.facebook.com/100063581372308/posts/pfbid02zX3tD1ecZN2yAKXUSjPU7neZgAwKmLW9ovBGpCB2BETeNaAWYoitpVHGVkPuFZ5hl/?d=w&mibextid=qC1gEa Күннен күнге өршіп, кең етек жайып бара жатқан есірткі қылмысына тосқауыл қою мақсатында және нашақорлық пен есірткі қолдану, тарату қылмыстарының алдын алуды көздеген өзара пайдалы, мазмұнды кездесу Шәкәрім гимназиясының жастарымен жоспарға сәйкес өткізілді. Құқықтық сауаттылыққа негізделген кездесудің спикерлері Қарағанды қаласының Жастар ресурстық орталығының өкілдері мен Қарағанды облысы полиция департаментінің есірткі қылмысына қарсы басқармасының аға жедел өкілі Садвакасов Нұрым Бегайович. Келелі кездесу белсенді диалог пен импровизацияланған қойылымдармен есте қалары сөзсіз. Ең бастысы - қылмыстың алдын алу мен құқықтық сауаттылық мектеп жасынан.
ЗАҢ ҮСТЕМДІГІ ЖӘНЕ ЖАСӨСПІРІМ https://www.facebook.com/100063581372308/posts/pfbid0mPrgxsgj6c2hjmJBNGybYjVM7sFs1WLq352Z6C4WVbZtcYBf6Pkknh3WRNJFn8eZl/?d=w&mibextid=qC1gEa Құқықтық сауаттылық, құқықтық мәдениет – «заң үстемдігі» ұғымын жіті түсінуге ықпалын тигізетін жеке тұлғалық сапалар. Сондықтан құқықтық тәрбие, «Біртұтас тәрбие бағдарламасы» шеңберінде жоспарға сәйкес Шәкәрім гимназиясында құқықтық сауаттылық пен жасөспірімдер арасында құқық бұзушылықтың алдын алу мақсатында Қарағанды қаласы, Қазыбек би ауданы прокуратурасының мемлекеттік айыптау бөлімінің 1 санатты заңгері Қадыров Әлібек Кәрімұлы, 3 санатты заңгер Бекмолдин Қуаныш Айдарханұлы және Орталық полиция бөлімінің қызметкері, полиция лейтенанты Непогодьева Виктория Эдуардовна құқықтық сауаттылықты шыңдайтын дәріс өткізді. Құқықтық дәріс мазмұны кез келген жағдайда заң үстемдігі мәселесін әрдайым қаперде сақтауға бағытталған.
«ЗАҢ МЕН ТӘРТІП – ТҰРАҚТЫЛЫҒЫМЫЗДЫҢ НЕГІЗІ» Қ-Ж. К. ТОҚАЕВ https://www.facebook.com/100063581372308/posts/pfbid0cT7HCy49W2sJcJegt2a41Xx5o7jd6t1K14AYTXHDf1JDgYgTMtQmMBEt21ML7Qawl/?d=w&mibextid=qC1gEa Құқықтық тәрбие негізі – заңға бағыну, құқықтық сауаттылықты арттыру. Құқықтық сауаттылық әр тұлғаның бойында бірінші – құқықтық сана, екінші – құқықтық идея, үшінші – құқықтық мәдениет қалыптастырудың алғы шарты. Осындай игі мақсатпен Қарағанды облысы полиция департаментінің бастығы генерал-майор Адилов Санжар Аскенович бастаған бір топ құқық қорғау, полиция қызметкерлері «Біртұтас тәрбие бағдарламасы» және «Құқықтық жан-жақты білім беру» үдерісіне сәйкес Шәкәрім атындағы гимназия жастарымен ауқымды, мазмұнды, пайдалы ақпараттық және кез келген құқықбұзушылықтың алдын алуға бағытталған кездесу өткізді. Танымдық, құқықтық-ағартушылық іс-шара 2 лекпен өткізіліп, жалпы есеппен 377 гимназия оқушысы қамтылды. Кездесу барысында спикерлер: полиция генерал-майоры Адилов С. А., полковник Мейманов Т.Н., подполковник Ускембаев А.А., полковник Салин Ш.А., подполковник Ольга Валерьевна бірқатар «Есірткіге тәуелділік пен тарату», «Буллинг, кибербуллинг», «Лудомания», «Жалған ақапарат тарату» сынды өзекті мәселелерді қозғап, заңнамалық тұрғыдан жауапкершілікке қатысты ағарту-ақпараттандыру тұрғысынан мәлімет берді, оқушы жастармен қызықты, шынайы өмірде орын алатын жағдаяттық мәселелерді көрнекілік, тәжірибелік принциптер негізінде талдап көрсетті. Ең бастысы – жас өрендер заң үстемдігінің маңызын түсініп, кез келген келеңсіз жағдайда заңға бағынып, тәртіптік ұстанымдарды бұзбау жолдарын меңгерді, құқықтық сана арқылы өз өмірлерін жеңілдетуді үйренді. Сайып келгенде, заң мен тәртіпті құрметтеуге, сол арқылы оң әлеуметтік мінез-құлық үлгісін қалыптастыруға бейімделу – жас қанат жас өрендердің нақты межесі, басты мүддесі.
