2018 жылдың сәуір айының 17-ші жұлдызында, мектеп қабырғасында тілшілермен кездесу өтті. Аталмыш кездесуде Республикалық «Мөлдір бұлақ» балалар журналының бас редакторы, Қазақстан Жазушылар одағының мүшесі, ақын «Серпер» сыйлығының лауреаты Саят Қамшыгер, Халықаралық «Gazagstan – Zaman» газеті, республикалық «Мөлдір бұлақ» балалар журналы маркетинг- жарнама бөлімінің менеджері Қанат Есжанов, Халықаралық «Gazagstan – Zaman» газетінің Қарағанды облысындағы меншікті тілшісі Аяулым Совет қонаққа келіп өздерінің газет журналдары туралы ақпарат берді. Бұл кездесуде мектеп ұстаздары және мектеп оқушылары өздерінің тәжірибесімен, өлең жырларымен бөлісті.