Мектебімізде АИВ/ЖИТС-пен күрес Халықаралық күніне арналған айлық 1-30 қараша аралығында өтіп жатыр. Айлық жоспарына сәйкес әр түрлі шаралар өткізілуде. Соның бірі бүгінгі облыстық салауатты өмір салтын қалыптастыру орталығының дәрігер-үйлестірушісі Әубәкірова Тынысхан  Жорабекқызымен өткен «ЖИТС-ғасыр дерті» тақырыбындағы кездесу. Кездесу семинар-тренинг түрінде өткізілді. Семинар өте тартымды, өмірден алынған нақты фактілерден тұратын мағлұматтар пайдаланылып қызықты өтті. Салауатты өмір салтын ұстанып, жаман әдеттерден аулақ болуға үйретті. Сонымен қатар, жеке бас гигиенасы, дұрыс тамақтану сияқты тақырыптар да қозғалды. Оқушылар семинар соңында сұрақтар қойып, Тынысхан Жорабекқызына өте маңызды семинар өткізгені үшін алғыстарын білдіріп жатты.